| Type de texte | source |
|---|---|
| Titre | Epistolarum centuriae duae. Quarum prior innovata, altera nova |
| Auteurs | Lipse, Juste |
| Date de rédaction | |
| Date de publication originale | 1590 |
| Titre traduit | |
| Auteurs de la traduction | |
| Date de traduction | |
| Date d'édition moderne ou de réédition | |
| Editeur moderne | |
| Date de reprint |
Theodoro Bernardi S[alutem] D[icit].
Bene habet, mi Theodore, de amico illo nostro: extra metum sumus, imo extra suspicionem. Ille viuit (ex litteris eius mihi constat) et viuet, vt spero, in multos annos. Heu dolorem meum, si aliter! Variis virtutibus amorem nostrum meretur et certe amore. Quod quaeris a me de Apellaeis illis lineis, verasne eas censeam et quales, ad prius respondeo veras. Nec fas ambigere nisi si fidem spernimus historiae omnis priscae. Ad alterum nunc sileo et censeo vt prius ab amico illo nostro quaeras, cuius ingenium grande et capax, diffusum per has quoque artes. Mirificus ille vir est et quem Homeri verbis iure appelles δαΐφρονα ποικιλομήτην [[1:δαΐφρονα ποικιλομήτην entem varia mente praeditum]]. Ego coram aliquid tecum, quem decretum mihi visere ineunte hoc vere atque vna cum Henrico Spiegelio meo amplecti. Amo vtrumque; vterque me amate. Lugduni Bat[avorum], Prid[ie] Kalend[as] Mart[ias].
Dans :Apelle et Protogène : le concours de la ligne(Lien)